27.7 C
Jaffna
Sunday, August 9, 2020
Home Spiritual Astrology நீங்கள் பிறந்த கிழமையை வைத்து உங்களிடம் இருக்கும் ரகசிய குணங்களை தெரிந்து கொள்ளுங்கள்!

நீங்கள் பிறந்த கிழமையை வைத்து உங்களிடம் இருக்கும் ரகசிய குணங்களை தெரிந்து கொள்ளுங்கள்!

ஒருவரின் ஜாதகத்தில் ராசி, லக்கினம் எப்படி முக்கியமோ,அதே போல் எண் கணிதத்தில் ஒருவரின் பிறந்த நாள் மற்றும் கிழமை முக்கியமாக பார்க்கப்படுகிறது.

எண் கணித ஜோதிடப்படி ஒவ்வொருவரும் பிறந்த கிழமையை வைத்து அவர்களின் குணம் மற்றும் செயல்பாடு எப்படி இருக்கும் கணித்துவிட முடியும்.

இதனடிப்படையில் ஒருவர் பிறந்த கிழமையின் அடிப்படையில் அவருக்கு எப்படிப்பட்ட குணங்கள் இருக்கும் என்றும் தற்போது இங்கு பார்ப்போம்.

ஞாயிற்றுக் கிழமை

ஞாயிற்றுக் கிழமையில் பிறந்தவர் சூரியனின் அருள் பெற்ற எதிலும் முன்னின்று வழிநடத்தக் கூடிய ஆட்சி செய்யக் கூடிய திறமை மிக்கவர்களாக இருப்பார்கள்.

எந்த ஒரு கடின வேலையாக இருந்தாலும்,அதை செய்து முடிக்கக் கூடிய திறன் மிக்கவர்கள்.தன்னை சுற்றியுள்ளவர்களுக்கு உதவி செய்ய தயங்காதவர்கள்.சரியான பாதையில் நடக்கக்கூடியவர்கள்.

இவர்கள் எவ்வளவு கஷ்டம் வந்தாலும் வெளியில் சொல்லாமல்,பிறருக்கு நன்மை செய்ய தயங்காதவர்கள்.

தன்னால் முடியாது என நினைத்தால் எந்த பேச்சும் இல்லாமல் அமைதி காப்பார்கள். இவர்கள் நிர்வாகத்தை நடத்தக் கூடிய மிக சிறப்பான மதிநுட்பத்தைப் பெற்றிருப்பார்கள்.

​திங்கட் கிழமை

குளுமையும், சாந்தமும் நிறைந்த சந்திரனைக் குறிக்கக் கூடிய திங்கட் கிழமையில் பிறந்தவர்கள் உண்மையில் சாந்தமும், அமைதி குணமும் நிறைந்தவர்களாக இருப்பார்கள்.

பார்க்க அழகாக,அனைவரையும் கவரக் கூடிய,ஒரு செயலை செய்து முடிக்க வேண்டும் என்ற ஒரு குறிக்கோளும்,விடாமுயற்சியுடன் செயல்படக் கூடியவர்கள்.

பல வகையில் யோசிக்கக் கூடியவர்கள்.இவர்களுக்கு நம்பிக்கையான நண்பர்கள் மற்றும் காதல் அமையும்,புதுவித சிந்தனைகள் இவர்களிடம் இருக்கும்.

எவ்வளவு கடின வேலையாக இருந்தாலும் நியாயப்படி செய்யக் கூடியவர்களாக, ஏமாற்றம் குணம் இல்லாதவர்களாக இருப்பார்கள்.

எவ்வளவு சாதிக்கிறோம் என்பதைத் தாண்டி எவ்வளவு ஒழுக்கமாக இருக்கிறார்கள் என்பதற்கு எடுத்துக் காட்டாக வாழ்வார்கள்.இவர்கள் சொந்த தொழில் செய்யக் கூடிய திறமையுடனும்,குளிர்ச்சியான தேகத்தை உடையவர்களாக இருப்பார்கள்.

​செவ்வாய்க் கிழமை

எதிலும் விடாமுயற்சி,கடின உழைப்பு,விட்டுக் கொடுக்காத என போர் குணம் பொருந்திய செவ்வாய் பகவானின் ஆதிக்கம் நிறைந்த செவ்வாய்க் கிழமையில் பிறந்தவர்கள் தான் செயல்படுத்த இருக்கும் திட்டம் குறித்து பலரிடம் ஆலோசனைக் கேட்பார்கள்.

ஆனால் அதன் முடிவை தானே எடுத்து செயல்படுத்தக் கூடியவர்களாக இருப்பார்கள். அதில் வெற்றியும் பெறக்கூடியவர்கள்.

ஒருவர் தன் மனதில் நல்லவர் என பட்டுவிட்டால் அவர்களுக்காக எதையும் செய்யக்கூடியவர்களாகவும்,கெட்டவர் என்றால் அவருக்கு கெட்டவராக இருப்பார்கள்.

ஒரு தன்னம்பிக்கை தரக் கூடிய பேச்சு இவர்களிடம் இருக்கும்.நியாய,தர்மத்திற்குக் கட்டுப்பட்டவர்கள் என்பதால் பலருக்கு பிடிக்காது. ஆனால் அதைப்பற்றி எல்லாக் கண்டுகொள்ளாமல் தன் வெற்றியை நோக்கி சென்று கொண்டிருப்பார்கள்.

​புதன் கிழமை

கல்வியையும்,செல்வத்தையும் தரக் கூடிய புதன் பகவானின் அம்சங்கள் நிறைந்த புதன் கிழமையில் பிறந்தவர்கள் நேர்மறையாக சிந்தித்து செயல்படக் கூடியவர்கள்.

எதிலும் உண்மையாக இருக்க நினைப்பார்கள்.சிறந்த படிப்பு பெற்றிருப்பார்கள். ஜோதிடம்,துப்பறியும் திறன்,இயந்திரத் துறை என இவர்கள் கொடிகட்டிப் பறப்பார்கள்.

மற்றவர்களின் மனதில் இருக்கக் கூடிய எண்ணங்களை அறியக்கூடிய தனித்திறன் அதிகமாக இருக்கும்.இவர்கள் சொல்ல வருவதை சரியாக சொல்லி விளங்க வைக்க வல்லவர்கள்.

இதனால் எழுத்தாளர்,பேச்சாளர்,மருத்துவர்,நீதிபதி,பொறியாளர் என எந்த துறையிலும் சிறப்பாக மினுக்கிடுவார்கள்.இவர்களின் பேச்சுத் திறன் எதிரியையும் ஈர்க்கும் வண்ணம் இருப்பதால்,எளிதாக பலர் இவரை காதலிக்கக்கூடும்.

சரியான துறையை தேர்வு செய்து அதை திட்டமிட்டுச் செயல்படத் தொடங்கினால் வானமே எல்லையாகும்.

​வியாழக் கிழமை

குரு பகவானின் ஆசி பெற்ற வியாழக் கிழமையில் பிறந்தவர்கள் நீதி,நேர்மையை கடைப்பிடிக்கக் கூடியவர்களாக,சொல்லித்தரக் கூடிய ஆற்றலுடன் இருப்பார்கள்.

குடும்பத்திற்கும்,நண்பர்களுக்கும் நேர்மையானவர்களாக இருப்பார்கள்.இவர்கள் சற்று கோபப்படக் கூடியவர்களாக இருந்தாலும்,பெரிய மனது படைத்தவர்களாக இருப்பார்கள்.

இவர்கள் நேர்மையாளராக இருப்பதோடு,குறுக்கு வழியில் முன்னேற நினைப்பவர்களையும் திருத்தி நேர் வழிப்படுத்துவார்கள்.

எதையும் வெளிப்படையாக பேசும் தன்மை உடையவர் என்பதால் சில நேரம் உங்களின் துணை மற்றும் சுற்றத்தாருக்கு மன வலியை கொடுப்பார்கள்.உங்கள் காதலில் உண்மையும்,அன்பும் நிறைந்திருக்கும்.

​வெள்ளிக்கிழமை

சுக்கிர பகவானின் அருள் ஆசி பெற்ற வெள்ளிக்கிழமையில் பிறந்தவர்கள் சுட்டியாக இருந்தாலும் சமத்தானவர்களாக இருப்பார்கள்.நல்ல தோற்றமும்,தைரியமும் இருக்கும்.அனைவரின் கவனமும் தன் மீது இருக்க வேண்டும் என்ற எண்ணத்தில் பல செயல்களை செய்வார்கள்.

இனிமையான பேச்சால் அனைவரையும் கவரக் கூடியவர்கள்.தன் பேச்சை கேட்காதவர்களை புறக்கணிக்கும் மனப்பாங்கு கொண்டவர்கள்.இவர்கள் எந்த துறையை தேர்ந்தெடுத்து முழுமனதோடு பிடித்து செய்யத் தொடங்கினால் வெற்றி பெறக்கூடியவர்களாக இருப்பார்கள்.ஆனால் பணத்தை தேடி போக நேர்ந்தால் தோல்வி தான்.

தன் துணையிடமிருந்து அளவற்ற அன்பும்,ஆதரவும் பெறுவார்கள்.தான் செய்யும் ஒவ்வொரு விஷயத்திலும் மற்றவர்களையும் ஈடுபடுத்தி அதில் வெற்றி பெறுவார்கள்.

​சனிக்கிழமை

நீதிமான் சனி பகவானின் அருள் பெற்ற சனிக்கிழமையில் பிறந்தவர்கள் நல்ல புத்திசாலியாக்க,பொறுமையாக இருப்பார்கள்.சனி பகவானைப் போல தன் வேலையில் சரியாக முடிக்கக் கூடியவர்களாக இருப்பார்கள்.

பார்க்க அழகான,கவரக் கூடியவர்களாக இருப்பார்கள்.மற்றவர்களை அதிகாரம் செய்யக் கூடிய மனப்பாங்கு இருக்கும்.

அதோடு மற்றவர்களுக்கு ஊக்கம் கொடுத்து எதிலும் தோல்வி அடையக் கூடாது என்ற முழு முயற்சி,செயல்பாடு இருக்கும்.தன்னை அழகாக வெளிப்படுத்துவார்கள்.

கிரகங்களிலேயே மிகவும் பாசமானவர் நீதி அரசர் சனி பகவான்,வழிபடும் முறைகள்

தான் உண்டு தன் வேலை உண்டு என இருப்பார்கள்.பெரியோர்களிடம் நல்ல மரியாதையுடன் நடந்து கொள்வார்கள்.

0 Reviews

Most Popular

2021-ம் ஆண்டு 20 ஓவர் உலககோப்பை போட்டி எங்கு நடைபெறவுள்ளது தெரியுமா?

2021-ம் ஆண்டு 20 ஓவர் உலக கோப்பை போட்டியை இந்தியாவில் நடத்துவது என்று ஐ.சி.சி. கூட்டத்தில் முடிவு செய்யப்பட்டதாக தகவல் வெளியாகியுள்ளது. 7-வது 20 ஓவர் உலக கோப்பை கிரிக்கெட் போட்டி ஆஸ்திரேலியாவில் அக்டோபர்,நவம்பர்...

ஓய்வு தொடர்பில் டோனியின் அறிவிப்பு!

இந்திய அணியின் முன்னாள் அணித் தலைவர் டோனி தாம் எப்போது ஓய்வை அறிவிப்பேன் என்பதை சூசகமாக அப்போதெ தெரிவித்துள்ளார் என தெரியவந்துள்ளது. டோனி இந்தியாவுக்காக மீண்டும் கிரிக்கெட் விளையாடுவாரா அல்லது ஒய்வு பெறும் முடிவை...

பாடசாலைகள் ஆரம்பிப்பது தொடர்பில் கல்வியமைச்சு வெளியிட்டுள்ள செய்தி!

நாளை முதல் மாணவர்களின் கற்றல் நடவடிக்கைகளை கட்டம் கட்டமாக ஆரம்பிப்பதற்கு நடவடிக்கை எடுக்கப்பட்டுள்ளது. இதன்படி நாளை முதல் பாடசாலைகளை ஆரம்பிப்பதற்கு விசேட முறைமைகள் கையாளப்படவுள்ளதாக கல்வி அமைச்சின் செயலாளர் தெரிவித்துள்ளார். ஒரு மீற்றர் இடைவெளியை பேணி...

புதிய பிரதமராக மகிந்த ராஜபக்‌ஷ இன்று பதவியேற்பு!

புதிய அரசாங்கத்தின் பிரதமராக மகிந்த ராஜபக்‌ஷ இன்று பதவியேற்கவுள்ளார். களனி ரஜமகாவிகாரையில் இன்று காலை 8.30க்கு அவர் பதவியேற்கவுள்ளதாக தெரிவிக்கப்பட்டுள்ளது. ஸ்ரீ லங்கா பொதுஜன பெரமுனவின் தலைவரான மகிந்த ராஜபக்‌ஷ 4வது தடவையாக பிரதமராக பதவியேற்கவுள்ளார். நடைபெற்று...

Recent Comments