கொழும்பு துப்பாக்கி சூட்டில் ஒருவர் பலி
கொழும்பு கிராண்ட்பாஸ், மாதம்பிட்டிய பகுதியில் முச்சக்கரவண்டியில் பயணம் செய்த வயதான நபர் ஒருவர் சுட்டுக்கொல்லப்பட்ட சம்பவம் இன்று (புதன்கிழமை) மாலை 3.00 மணியளவில் இடம்பெற்றுள்ளது.
காவல்துறை ஊடகப் பேச்சாளர் நிஹால் தல்துவா தெரிவித்த தகவலின்படி, மயானம் அருகே இந்த துப்பாக்கிச்சூடு நடைபெற்றது. உயிரிழந்தவர் மிஹிஜய செவன பகுதியைச் சேர்ந்தவராக அடையாளம் காணப்பட்டுள்ளார். துப்பாக்கிச் சூட்டின் போது அவர் முச்சக்கர வண்டியின் பின் இருக்கையில் இருந்தார்.
துப்பாக்கிச் சூடு நடத்திய நபர்கள் தொடர்பான விசாரணைகள் தொடர்வதாகவும், சம்பவத்தை கிராண்ட்பாஸ் காவல்துறையினர் தீவிரமாக விசாரித்து வருவதாகவும் தகவல்கள் தெரிவிக்கின்றன.
