பூநகரியில் 80 கிலோ கேரள கஞ்சா கைப்பற்றப்பட்டது!
பூநகரி பகுதியில் இன்று (04) காலை பொலிஸாரால் 80 கிலோ கேரள கஞ்சா மற்றும் ஒரு மோட்டார் சைக்கிள் கைப்பற்றப்பட்டுள்ளன. யாழ்ப்பாண இராணுவ புலனாய்வு பிரிவினருக்கு கிடைத்த இரகசிய தகவலின் அடிப்படையில், பூநகரி பொலிஸாருடன் இணைந்து மேற்கொள்ளப்பட்ட விசேட நடவடிக்கையில், பூநகரி – கௌதாரி முனை பகுதியில் இருந்து இந்த கஞ்சா மீட்கப்பட்டுள்ளது.
அப்பகுதியில் மேலும் சோதனை நடவடிக்கைகளை மேற்கொண்ட போதிலும், சந்தேக நபர்கள் எவரும் இதுவரை கைது செய்யப்படவில்லை. இதனால், பொலிஸார் மேலதிக விசாரணைகளை மேற்கொண்டு வருகின்றனர்.
