யாழில் இருந்து வற்றாப்பளை சென்ற வாகனம் விபத்து
யாழ்ப்பாணம் பண்டத்தரிப்பு பகுதியில் இருந்து பக்தர்களுடன் வற்றாப்பளை ஆலய வைகாசி விசாக பொங்கலிற்கு சென்று தரிசனம் செய்துவிட்டு வந்த பேருந்து தடம்புரண்டுள்ளது.
சம்பவம் குறித்து தெரியவருவதாவது,
பண்டத்தரிப்பு பகுதியைச் சேர்ந்த பக்தர்கள் ஒன்றுசேர்ந்து பேருந்து ஒன்றினை வாடகைக்கு அமர்த்தி வற்றாப்பளை கண்ணகை அம்மன் ஆலயத்திற்கு சென்று தரிசனம் செய்துவிட்டு இன்று காலையில் யாழ்ப்பாணம் நோக்கி வந்துகொண்டிருந்தனர்.
இதன்போது பூநகரி பாலம் தாண்டி வந்துகொண்டிருந்த போது பேருந்து தடம்புரண்டு விபத்துக்குள்ளானதில் பேரூந்தில் பயணித்த ஆறு பயணிகள் படுகாயமடைந்தனர்.
காயமடைந்த பக்தர்கள் பூநகரி வைத்தியசாலையில் அனுமதிக்கப்பட்ட நிலையில், கிளிநொச்சி வைத்தியசாலைக்கு மாற்றப்பட்டனர்.
இந்த விபத்து குறித்த விசாரணைகளை பூநகரி பொலிஸார் முன்னெடுத்து வருகின்றனர்.
