யாழில் போதைப்பொருள் ஆய்வு கூடம் சுற்றி வளைப்பு
யாழ்ப்பாணம் இணுவில் பகுதியில் ஐஸ் போதைபொருள் உற்பத்தி நிலையம் ஒன்று சுற்றிவளைக்கப்பட்டது. இதன்போது இரு சந்தேகநபர்களும் கைது செய்யப்பட்டனர்.
யாழ்ப்பாண குற்றத்தடுப்பு பிரிவினருக்கு கிடைத்த இரகசிய தகவலின் அடிப்படையில், அவர்களால் இந்த சுற்றிவளைப்பு நடவடிக்கை முன்னெடுக்கப்பட்டது.
ஐஸ் போதைபொருள் உற்பத்தி செய்வதற்கு பயன்படும் பொருட்கள் இதன் போது மீட்கப்பட்டன.
கைது செய்யப்பட்ட சந்தேகநபர்கள் இருவரும் யாழ்ப்பாணம் மாவட்ட பொலிஸ் குற்றத்தடுப்பு பிரிவினரின் கண்காணிப்பில் உள்ளனர்.
குறித்த வீடு ஐஸ் போதை பொருள் உற்பத்தி செய்யும் ஆய்வு கூடமாக செயற்பட்டு வந்ததாக தெரிவிக்கப்படுகிறது.
இந்நிலையில் வீடானது சீல் வைக்கப்பட்டுள்ளதுடன் கொழும்பில் இருந்து இரசாயன பகுப்பாய்வாளர்கள் வரவளைத்து பகுப்பாய்வு நடவடிக்கைகள் முன்னெடுக்கப்படவுள்ளன.
பிரதான சந்தேக நபர் தப்பியுள்ள நிலையில் அங்கு பணிபுரியும் இருவர் கைது செய்யப்பட்டுள்ளனர்.
