யாழில் வீதியில் நெல் பரப்பி கொண்டிருந்தவர் மோட்டார் சைக்கிள் மோதி பலி!!
யாழ்ப்பாணத்தில் வீதியில் நெல் பரவிக்கொண்டிருத்தவர் மீது மோட்டார் சைக்கிளில் வந்தவர் மோதி விபத்துக்கு உள்ளானதில் நெல் பரவிக்கொண்டிருந்தவர் உயிரிழந்துள்ளார்.
கொடிகாமம் – பருத்தித்துறை வீதியில் மந்திகையை அண்மித்த பகுதியில் இன்றைய தினம் ஞாயிற்றுக்கிழமை அதிகாலை குறித்த விபத்து இடம்பெற்றுள்ளது.
விபத்தில் உயிரிழந்தவரின் சடலம் மந்திகை வைத்தியசாலையில் ஒப்படைக்கப்பட்டுள்ள நிலையில் , மோட்டார் சைக்கிள் ஓட்டி காயமடைந்த நிலையில் வைத்தியசாலையில் அனுமதிக்கப்பட்டுள்ளார்.
சம்பவம் தொடர்பில் பருத்தித்துறை பொலிஸார் விசாரணைகளை முன்னெடுத்துள்ளனர்.
