வாகன விபத்தில் 07 வயது சிறுமி பலி
கஹட்டரூப – பதுளை வீதியின் அம்பிட்டிய பிரதேசத்தில் நேற்று மாலை முச்சக்கர வண்டியும் பஸ்ஸும் நேருக்கு நேர் மோதிய விபத்தில் 07 வயதுடைய சிறுமி உயிரிழந்துள்ளார்.
பதுளை நோக்கி பயணித்த பஸ் ஒன்று எதிர்திசையில் பயணித்த முச்சக்கரவண்டியுடன் நேருக்கு நேர் மோதியுள்ளதாக பொலிஸார் தெரிவித்தனர்.
சம்பவத்தில் முச்சக்கரவண்டியில் பயணித்த குழந்தை மற்றும் மூன்று பேர் படுகாயமடைந்து கெந்தகொல்ல வைத்தியசாலையில் அனுமதிக்கப்பட்டுள்ளனர்.
ஆபத்தான நிலையில் இருந்த குழந்தை பதுளை வைத்தியசாலைக்கு மாற்றப்பட்டு சிகிச்சை பலனின்றி உயிரிழந்துள்ளது.
கெந்தகொல்ல முத்துமாலை பிரதேசத்தில் வசிக்கும் 07 வயதுடைய சிறுமியே இவ்வாறு உயிரிழந்துள்ளார். பேருந்தின் சாரதி கைது செய்யப்பட்டுள்ளதுடன், கஹட்டரூப பொலிஸார் மேலதிக விசாரணைகளை மேற்கொண்டு வருகின்றனர்.
