விமான தபால் சேவையால் அனுப்பப்பட்ட பொதிகளில் இருந்து வெளிநாட்டு சிகரட்டுகள் கைப்பற்றப்பட்டது!
துபாயிலிருந்து கட்டுநாயக்க விமான நிலையத்தின் களஞ்சியசாலைக்கு அனுப்பி வைக்கப்பட்டிருந்த பொதிகளில் இருந்து சுமார் 03 கோடி ரூபா பெறுமதியான வெளிநாட்டு சிகரட்டுகள் சுங்க அதிகாரிகளால் கைப்பற்றப்பட்டுள்ளன.
குறித்த பொதிகள் கடந்த ஜூலை மாதம் 13ஆம் திகதி கொழும்பு, மட்டக்குளி பிரதேச முகவரி ஒன்றிற்கு அனுப்பி வைக்கப்பட்டிருந்தன. எனினும், உரிமையாளர்கள் எவரும் இந்த பொதிகளை பெற முன்வராததால், சுங்க அதிகாரிகள் நேற்று இரவில் சோதனை செய்த போது, ஒரு இலட்சத்து 60 ஆயிரம் வெளிநாட்டு சிகரட்டுகள் பொதிகளிலிருந்து மீட்கப்பட்டன.
சுங்க அதிகாரிகள் தற்போது இந்த வழக்கை தொடர்பான மேலதிக விசாரணைகளை மேற்கொண்டு வருகின்றனர்.
