அதிக மழையினால் பலாங்கொடையில் வீடு இடிந்து வீழ்ந்தது
இரத்தினபுரி மாவட்டத்தில், பலாங்கொடை மற்றும் அதனை அண்மித்த பகுதிகளில் பெய்த கடும் மழையினால் மண் வீடு ஒன்று இடிந்து வீழ்ந்துள்ளது. இந்த சம்பவம் செவ்வாய்க்கிழமை (18) அன்று இடம்பெற்றுள்ளது.
பலாங்கொடை தெத்தனகல பகுதியில் பெய்த கடுமையான மழையினால், தெத்தனகல கீழ் பிரிவு தோட்டத்தில் உள்ள வீடு இடிந்து வீழ்ந்தது.இந்த சம்பவத்தில் வீட்டின் அனைத்து பொருட்களும் சேதமாகியுள்ளன. பாதிக்கப்பட்ட குடும்பம், தற்காலிகமாக உறவினர்களின் வீட்டில் தங்கியுள்ளதுடன், இச் சம்பவம் தொடர்பில் மேலதிக நடவடிக்கைகள் மேற்கொள்ளப்படுவதாக அறியப்படுகிறது.
