ஒரு வருடம் முன்பே பரீட்சைக்கு தோற்றி மருத்துவ பீடம் செல்லும் மாணவி

கேகாலை மாவட்டத்திற்கு உட்பட்ட றுவென்வெல்லை கன்னத்தோட்டையைச் சேர்ந்த பாத்திமா பஹ்மா என்ற மாணவி, ஒரு வருடத்துக்கு முன்பே க.பொ.த. உயர்தர பரீட்சைக்கு தோற்றி பல்கலைக்கழகத்திற்கு தெரிவாகியுள்ளார்.

கேகாலை மாவட்டத்தின் கன்னத்தோட்டை சுலைமானியா கல்லூரியில் ஆங்கில மொழி மூலம் பயின்று வந்த பஹ்மா, அடுத்த வருடமே உயர்தர பரீட்சைக்கு தோற்றியிருக்க வேண்டும்.

எனினும், தன்னிடமிருந்த நம்பிக்கை மற்றும் விடா முயற்சி காரணமாக தனிப்பட்ட பரீச்சாத்தியாக ஒரு வருடத்துக்கு முன்பே பரீட்சையில் தோற்றினார்.

அண்மையில் வெளியான பரீட்சை முடிவுகளின்படி இரண்டு ஏ மற்றும் ஒரு பீ சித்தியை பெற்றதுடன் 2.0694 Z ஸ்கோர் புள்ளிகளை பெற்று மருத்துவ பீடத்துக்குத் தெரிவாகியுள்ளார்.
க.பொ.த. சாதாரண தரப் பரீட்சையில் இந்த மாணவி , 9 ஏ சித்தி பெற்றவர் என்பதும்  குறிப்பிடத்தக்கது.