கந்தப்பளையில் லொறி விபத்து

இராகலை பொலிஸ் பிரிவுக்குட்பட்ட கந்தப்பளை கொங்கொடியா பகுதியில் இன்று (08) காலை இடம்பெற்ற விபத்தில், மரக்கறிகள் ஏற்றிச்சென்ற டிப்பர் லொறி பாதையை விட்டு விலகி சுமார் 30 அடி பள்ளத்தில் விழுந்ததில், 43 வயதான ஒருவரது உயிரிழப்பு ஏற்பட்டுள்ளது.

இந்த விபத்தில் காயமடைந்த மேலும் ஆறு பேர் நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளனர்.

விபத்து குறித்து இராகலை பொலிஸார் மேலதிக விசாரணைகளை மேற்கொண்டு வருகின்றனர்.