சீரற்ற வானிலை காரணமாக ரயில் சேவைகள் இரத்து!
நாட்டில் நிலவும் சீரற்ற வானிலை காரணமாக ரயில் சேவைகள் இரத்துச் செய்யப்பட்டுள்ளதாக ரயில்வே திணைக்களம் தெரிவித்துள்ளது.
அதன்படி, இன்று புதன்கிழமை (27) இரவு பயணிக்கவிருந்த கொழும்பு கோட்டை – பதுளை தபால் ரயில் சேவையும், பதுளை – கொழும்பு கோட்டை தபால் ரயில் சேவையும் இரத்து செய்யப்பட்டுள்ளன.
இதேவேளை, மட்டக்களப்பு ரயில் மார்க்கத்தில் இயங்கும் ரயில் சேவைகள் பொலன்னறுவை ரயில் நிலையம் வரை மட்டுப்படுத்தப்பட்டுள்ளதுடன், மலையக ரயில் சேவைகள் இன்றைய தினம் பிற்பகல் நானுஓயா ரயில் நிலையம் வரை மட்டுப்படுத்தப்பட்டுள்ளது.
