தரம் 5 மாணவி விபத்தில் சிக்கி பரிதாபமாக பலி..!
(LBC Tamil) ஐந்தாம் தர புலமைப் பரிசில் பரீட்சைக்கு தோற்றவிருந்த மாணவி ஒருவர் விபத்தில் சிக்கி பலியாகியுள்ளார்.
அனுராதபுரம் தலாவ பகுதியில் எரிபொருள் தாங்கி ஒன்று மோட்டார் சைக்கிளுடன் மோதுண்டமையினால் 10 வயது சிறுமி உயிரிழந்துள்ளார்.
நேற்று இரவு 7 மணி அளவில் தாயுடன் மோட்டார் சைக்கிளில் சென்ற போது இச் சம்பவம் இடம்பெற்றுள்ளது. தலாவ ஆரம்ப பாடசாலையில் தரம் ஐந்தில் கற்கும் 10 வயது டபிள்யூ, நிசல்யா நெத்சரணி விமலசேன எனும் சிறுமியே உயிரிழந்துள்ளார்.
எரிபொருள் தாங்கியில் மோட்டார் சைக்கிள் மோதுண்டதாகவும், சிறுமி வாகனத்தின் சில்லில் சிக்கி படுகாயமடைந்ததாகவும் கூறப்படுகிறது.
அத்தோடு சிறுமியின் தாய்க்கு எவ்வித காயங்களும் ஏற்படவில்லை என கூறப்படுகிறது.
சம்பவம் தொடர்பில் பொலிஸார் விசாரணைகளை ஆரம்பித்துள்ளனர்.
