தீர்வை வழங்குவது அரசின் கடப்பாடு – சம்பந்தன்
(LBC Tamil) தேசிய இனப்பிரச்சினைக்கு நியாயமான தீர்வை வழங்குவது அரசின் கடப்பாடாகும் என கூட்டமைப்பின் தலைவர் இரா.சம்பந்தன் தெரிவித்தார்.
தற்போது அதற்கான முயற்சிகள் முன்னெடுக்கப்பட்டுவரும் நிலையில் அவை வெற்றி பெற முழுமையான ஒத்துழைப்புக்களை வழங்குவோம் என்றும் கூறினார்.
அதேநேரம், எமது மக்களின் அபிலாஷைகளை பூர்த்தி செய்யாத அர்த்தமற்ற தீர்வை ஏற்கப்போவதில்லை என்றும் இரா.சம்பந்தன் தெரிவித்தார்.
வடக்கு, கிழக்கு இணைக்கப்பட்டு உள்ளக சுயநிர்ணய அடிப்படையில் சமஷ்டி அடிப்படையிலான அதிகாரங்கள் பகிரப்பட வேண்டுமென்றும் இரா.சம்பந்தன் வலியுறுத்தியுள்ளார்.
