நடிகை சாய் பல்லவி நடிக்கும் ‘தண்டேல்’ திரைப்படம் அடுத்த ஆண்டு பிப்ரவரியில் வெளியாகும்!
**நாக சைதன்யா** மற்றும் **சாய் பல்லவி** முதன்மை கதாபாத்திரங்களில் நடித்திருக்கும் **’தண்டேல்’** எனும் திரைப்படத்தின் வெளியீட்டு தேதி அதிகாரப்பூர்வமாக அறிவிக்கப்பட்டுள்ளது.
இயக்குநர் **சந்து மொண்டேட்டி** இயக்கத்தில் உருவாகியுள்ள இந்த திரைப்படத்தில் நாக சைதன்யா மற்றும் சாய் பல்லவியுடன் **சந்தீப் வேத், கிஷோர் ராஜு** உள்ளிட்ட பலர் நடித்துள்ளனர். **ஷாம் தத்** ஒளிப்பதிவு செய்துள்ள இப்படத்திற்கு இசையமைத்திருப்பவர் **தேவி ஸ்ரீ பிரசாத்**. உண்மை சம்பவங்களை அடிப்படையாகக் கொண்டு எக்சன் என்டர்டெய்னராக உருவாகியுள்ள இப்படத்தை **கீதா ஆர்ட்ஸ்** நிறுவனம் சார்பில் **பன்னி வாஸ்** தயாரித்துள்ளார், மேலும் **அல்லு அரவிந்த்** இதனை வழங்குகிறார்.
படத்தின் படப்பிடிப்பு இறுதிக்கட்டத்தை எட்டிய நிலையில், படக்குழு படத்தின் **வெளியீட்டு தேதியை** புது புகைப்படத்துடன் உற்சாகமாக அறிவித்துள்ளது.
அதன்படி, **’தண்டேல்’** திரைப்படம் அடுத்த ஆண்டு **பெப்ரவரி 7 ஆம் தேதி** உலகம் முழுவதும் தமிழ், தெலுங்கு, மலையாளம், கன்னடம், இந்தி ஆகிய மொழிகளில் வெளியாகும்.
படத்தின் பிரத்யேக போஸ்டரில் நாயகன் மற்றும் நாயகி கடல் பின்னணியில் காதலர்களாக தோன்றுவது ரசிகர்களிடம் பெரும் வரவேற்பை பெற்றுள்ளது.
