பாதாள உலக கும்பலைச் சேர்ந்த “பியுமா” வுக்கு விளக்கமறியல் நீடிப்பு!
பாதாள உலக கும்பலைச் சேர்ந்த “பியுமா” என்று அழைக்கப்படும் பியூமி ஹஸ்திக என்பவரை எதிர்வரும் 27 ஆம் திகதி வரை மீண்டும் விளக்கமறியலில் வைக்குமாறு கொழும்பு கோட்டை நீதவான் நீதிமன்றம் இன்று (13) உத்தரவிட்டுள்ளது.
பியூமி ஹஸ்திக, பிரபல போதைப்பொருள் கடத்தல்காரர் மற்றும் பாதாள உலக கும்பலின் தலைவரான “குடு சலிந்து”என்று அழைக்கப்படும் சலிந்து மல்ஷிக என்பவரின் முக்கிய உதவியாளர் ஆவார்.
பியூமி, துபாயில் கைது செய்யப்பட்டு, கடந்த பிப்ரவரி 15 ஆம் தேதி இலங்கைக்கு அழைத்து வரப்பட்டார். இதன்பின், நீதிமன்ற உத்தரவின் கீழ் அவர் விளக்கமறியலில் வைக்கப்பட்டுள்ளார்.
