பொலன்னறுவையில் மின்சாரம் தாக்கி ஒருவர் பலி!
பொலன்னறுவை, சிறிபுர பொலிஸ் பிரிவின் களுகெலே பிரதேசத்தில் மின்சாரம் தாக்கி 34 வயதுடைய ஒரு நபர் உயிரிழந்துள்ளதாக சிறிபுர பொலிஸார் தெரிவித்தனர். இந்த சம்பவம் செவ்வாய்க்கிழமை (05) பிற்பகலில் நிகழ்ந்துள்ளது.
உயிரிழந்த நபர், தனது வீட்டிற்கு அருகில் அலங்கார மீன் விற்பனை நிலையம் நடத்திக் கொண்டிருந்தவர். மீன் தொட்டிகளைக் காட்டு யானைகளிலிருந்து பாதுகாப்பதற்காக, சட்டவிரோதமாக மின் கம்பிகள் பொருத்தியிருந்த நிலையில் அவை சிக்கி அவர் மின்சாரம் தாக்கி உயிரிழந்துள்ளதாக பொலிஸார் தெரிவிக்கின்றனர்.
இச்சம்பவம் தொடர்பாக மேலதிக விசாரணைகள் சிறிபுர பொலிஸார் மேற்கொண்டு வருகின்றனர்.
