மன்னார் மடு பகுதியில் விபத்து; ஒருவர் காயம்
வவுனியாவின் செட்டிகுளம் மெனிக்பாம் பகுதியைச் சேர்ந்த பான் வியாபாரத்தில் ஈடுபடும் முச்சக்கர வண்டி, வியாழக்கிழமை (24) மாலை மடு பிரமனாலங்குளம் பகுதியில் விபத்துக்குள்ளானது.
விபத்தில் படுகாயமடைந்த சாரதி, பொதுமக்களின் உதவியுடன் மீட்கப்பட்டு, பிரமனாலங்குளம் பூவரசங்குளம் வைத்தியசாலையில் சிகிச்சைக்காக அனுமதிக்கப்பட்டார்.
செட்டிகுளம் மெனிக்பாம் பகுதியிலிருந்து பான் விற்பனை செய்யும் முச்சக்கர வண்டி, மடு நோக்கி பிரமனாலங்குளம் வழியாகச் சென்று கொண்டிருந்த போது, சந்தியிலிருந்து 500 மீற்றர் தூரத்தில் நிறுத்தி வைக்கப்பட்டிருந்த வாகனத்தை மோதியதிலேயே இந்த விபத்து ஏற்பட்டது.
விபத்து தொடர்பான மேலதிக விசாரணைகளை அப்பகுதி பொலிசார் முன்னெடுத்து வருகின்றனர்.
