மன்னார் வீதியில் விபத்து- மூவர் படுகாயம்!
மன்னார் உயிலங்குளத்தில் பட்டாரக வாகனத்துடன் மோட்டார் சைக்கிள் மோதி விபத்துக்குள்ளானதில் 3 பேர் படுகாயமடைந்த நிலையில் மன்னார் மாவட்ட பொது மருத்துவமனையில் சேர்க்கப்பட்டுள்ளதாக தெரிவிக்கப்பட்டது. இந்த விபத்து நேற்று (27)மாலை 4 மணியளவில் இடம்பெற்றுள்ளது.
மன்னார்- மதவாச்சி பிரதான வீதி உயிலங்குளத்தில் நேர் எதிரே வந்த இரண்டு மோட்டார் சைக்கிள்கள் மற்றும் பட்டாரக வாகனம் மோதி விபத்துக்கு உள்ளாகியதில் மோட்டார் சைக்கிள் மற்றும் பட்டா வாகனத்தில் பயணித்தவர்கள் படு காயமடைந்துள்ளனர்.
காயமடைந்தவர்கள் உடனடியாக முருங்கன் மருத்துவமனைக்கு எடுத்துச் செல்லப்பட்டு பின் அங்கிருந்து மேலதிக சிகிச்சைக்காக மன்னார் மாவட்ட பொது மருத்துவமனைக்கு மாற்றபட்டுள்ளதாக தெரிவிக்கப்பட்டுள்ளது.
விபத்தில் காயமடைந்த இருவர் மன்னாரைச் சேர்ந்தவர்கள் எனவும் மற்றயவர் மாந்தை மேற்கை சேர்ந்தவர் எனவும் தெரிய வருகிறது. இவ் விபத்து தொடர்பான மேலதிக விசாரணைகளை உயிலங்குளம் பொலிசார் மேற்கொண்டு வருகின்றனர்..
