மாதவன் நடிக்கும் ‘அதிர்ஷ்டசாலி’ படத்தின் முதல் வெளியீடு
தமிழ் திரையுலகில் முன்னணி நடிகர் மாதவனின் நடிப்பில் உருவாகியுள்ள புதிய திரைப்படம் ‘அதிர்ஷ்டசாலி’ என்ற பெயரில் வெளியிடப்பட்டுள்ளது. இயக்குநர் மித்ரன் ஆர். ஜவகர் இயக்கும் இந்த திரைப்படத்தில், மாதவன் மட்டுமல்லாமல், மடோனா செபாஸ்டியன், ராதிகா சரத்குமார், சாய் தன்ஷிகா, ஜெகன், என்.கே. நிரூபன், ஆர். சி. உபாசனா, மேத்யூ வர்கீஸ், உதய் மகேஷ், கே.எஸ்.ஜி. வெங்கடேஷ், ரவி பிரகாஷ் போன்ற பலர் நடித்திருக்கிறார்கள்.
கார்த்திக் முத்துக்குமார் ஒளிப்பதிவு செய்த இந்த திரைப்படத்துக்கு, யுவன் சங்கர் ராஜா இசையமைக்கிறார். கற்பனை நாடக வகையில் உருவாகும் ‘அதிர்ஷ்டசாலி’ திரைப்படத்தை ஏ ஏ மீடியா கொர்ப்பரேசன் நிறுவனத்தின் ஷர்மிளா, ரேகா விக்கி மற்றும் மனோஜ் முல்கி தயாரிக்கின்றனர்.
ஸ்காட்லாந்தில் முழுமையாக படமாக்கப்பட்டு, தற்போது படப்பிடிப்புக்குப் பிந்தைய தொழில்நுட்ப பணிகள் தீவிரமாக நடைபெற்று வருகிறது. இந்தப் படத்தின் முதல் தோற்றப் பார்வை, மாதவனின் இருவித தோற்றத்துடன் வெளியாகியுள்ளதால் ரசிகர்களின் கவனத்தை ஈர்த்துள்ளது.
மேலும், மாதவன் நடிப்பில் அண்மையில் இந்தியில் வெளியான ‘சைத்தான்’ திரைப்படம் வணிக ரீதியாகவும் விமர்சன ரீதியாகவும் வெற்றி பெற்றுள்ள நிலையில், ‘அதிர்ஷ்டசாலி’ திரைப்படம் தமிழின் மேல், தெலுங்கு, மலையாளம், கன்னடம், இந்தி ஆகிய மொழிகளில் பான் இந்திய அளவிலான வெளியீட்டுக்காக திட்டமிடப்பட்டுள்ளது. இதனால், திரைப்படம் ரசிகர்களின் ஆதரவும், திரையுலக வணிகர்களின் வரவேற்பும் பெற்றுள்ளதால் பெரும் எதிர்பார்ப்பு உள்ளதாக கூறப்படுகிறது.
