மேலும் 12 இந்திய மீனவர்கள் கைது!
நேற்று நாகப்பட்டினம் பகுதியில் இருந்து மீன்பிடிக்கச் சென்ற தமிழக மீனவர்கள் 12 பேர், இலங்கை கடற்படையினரால் கைது செய்யப்பட்டனர். நெடுந்தீவு அருகே எல்லையை தாண்டி மீன்பிடித்ததாகக் கூறி, அவர்களுடன் இருந்த ஒரு விசைப்படகும் பறிமுதல் செய்யப்பட்டது.
இதற்கு முன்பு, ராமேஸ்வரம் பகுதியைச் சேர்ந்த 23 மீனவர்கள் கடந்த 10 ஆம் தேதி கைது செய்யப்பட்டிருந்தனர். கடந்த சில நாட்களில் இதுவரை 35 தமிழக மீனவர்கள் இலங்கை கடற்படையினரால் கைது செய்யப்பட்டதால் மீனவர் சமூகத்தில் பெரும் கவலை எழுந்துள்ளது.
இந்த மீனவர் பிரச்சினைக்கு நிரந்தரத் தீர்வு காண வேண்டும் என தமிழக முதல்வர் மத்திய அரசிடம் கடிதம் மூலம் தொடர்ந்து வலியுறுத்தி வருகிறார்.
