யாழ்ப்பாணத்தில் இலங்கை நாணயத்தாள்களை அச்சிடும் இயந்திரத்துடன் ஒருவர் கைது
யாழ்ப்பாணத்தில் போலி நாணயத்தாள்களை அச்சிடும் இயந்திரத்துடன் ஒருவர் கைது செய்யப்பட்டுள்ளார்.
கோப்பாய் பொலிஸாருக்கு கிடைத்த இரகசிய தகவல்களுக்கு அமைவாக, திருநெல்வேலி பகுதியில் வைத்து இந்த கைது நடவடிக்கை முன்னெடுக்கப்பட்டுள்ளது.
கொழும்பிலிருந்து வருகை தந்த நபர் ஒருவர், அரியாலையில் வீடு ஒன்றை எடுத்துத் தங்கியிருந்துள்ளார் என்றும் யாழ்ப்பாணம் திருநெல்வேலியில் அவர் போலி நாணயத்தாள்களை அச்சிடும் இயந்திரத்துடனும், தாள்களுடனும் நடமாடிய போதே கைது செய்யப்பட்டார் எனவும் பொலிஸார் தெரிவித்துள்ளனர்.
அவரிடமிருந்து சான்று பொருள்களும் மீட்கப்பட்டுள்ளன. அவரால் வாடகைக்கு எடுக்கப்பட்ட வீட்டில் இருந்தவர்கள் தப்பி சென்றுள்ள நிலையில், மேலதிக விசாரணைகளை பொலிஸார் முன்னெடுத்துள்ளனர்.
