யாழ். ஊர்காவற்துறையில் மாட்டினை வெட்டியவர்கள் தப்பியோட்டம்!
யாழ்ப்பாணம் , ஊர்காவற்துறை பகுதியில் கன்றுத்தாச்சி மாடொன்றினை இறைச்சிக்காக வெட்டியவர்களை ஊர்மக்கள் கண்டு மடக்கி பிடிக்க முற்பட்ட வேளை அவர்கள் தப்பி சென்றுள்ளனர்.
மாட்டினை வெட்டி சென்றவர்கள் தப்பி சென்ற நிலையில் அவர்களின் மோட்டார் சைக்கிள் ஒன்றும், சுமார் 200 கிலோ எடையுடைய மாட்டிறைச்சியும் ஊரவர்களால் மீட்கப்பட்டு பொலிஸாரிடம் ஒப்படைக்கப்பட்டுள்ளது.
கன்றுத்தாச்சி பசு மாடொன்றினை கடத்தி , இறைச்சிக்காக வெட்டிய சம்பவம் ஊர்மக்கள் மத்தியில் கவலையை ஏற்படுத்தியுள்ளதுடன், தொடர்ச்சியாக தீவக பகுதிகளில் மாடுகளை இறைச்சிக்காக வெட்டும் சட்டவிரோத நடவடிக்கை அதிகரித்து செல்வதானால் அதனை கட்டுப்படுத்த உடனடியாக நடவடிக்கை எடுக்க வேண்டும் என கோரியுள்ளனர்
