யாழ் வாக்களிப்பு நிலையத்தில் கடமையாற்றிய பொலிஸ் உத்தியோகத்தர் உயிரிழப்பு!
யாழ்ப்பாணத்தில் வாக்களிப்பு நிலையத்தில் கடமையில் இருந்த பொலிஸ் உத்தியோகத்தர் சுபாஷ் (34) உயிரிழந்த நிலையில் சடலமாக மீட்கப்பட்டுள்ளார். இவர் கோப்பாய் பொலிஸ் நிலையத்தில் பணியாற்றியவர்.
சுபாஷ், உரும்பிராய் சைவத்தமிழ் வித்தியாசாலையில் அமைந்த வாக்களிப்பு நிலையத்தில் பாதுகாப்பு கடமையில் ஈடுபட்டு வந்த நிலையில் இன்று காலை உயிரிழந்த நிலையில் காணப்பட்டார். கோப்பாய் பொலிஸார் சடலத்தை மீட்டு யாழ் போதனா வைத்தியசாலைக்கு உடற்கூற்று பரிசோதனைக்காக அனுப்பி வைத்தனர். சம்பவம் குறித்து மேலதிக விசாரணைகள் முன்னெடுக்கப்பட்டு வருகின்றன.
இந்த சம்பவத்தினால் குறித்த வாக்களிப்பு நிலையத்தில் குறுகிய நேரம் பரபரப்பு நிலவிய நிலையில், மேலும் ஒரு பொலிஸ் அதிகாரி கடமைக்கு நியமிக்கப்பட்டு, வாக்களிப்பு செயல்முறை தொடர்ந்துள்ளது.
