லொறி – சைக்கிள் மோதி விபத்து வயோதிபர் பலி!
ஹிக்கடுவை பொலிஸ் பிரிவுக்கு உட்பட்ட காலி-கொழும்பு வீதியில் தொடங்குவ பிரதேசத்தில் நிகழ்ந்த சோகமான விபத்தில், 71 வயதுடைய பெரதுடுவ பிரதேசத்தைச் சேர்ந்த வயோதிபர் ஒருவர் உயிரிழந்துள்ளார். இந்த விபத்து நேற்று செவ்வாய்க்கிழமை (12) இடம்பெற்றதாக பொலிஸார் தெரிவித்துள்ளனர்.
ஹிக்கடுவையிலிருந்து காலி நோக்கிப் பயணித்த லொறியொன்றும், ஒரு சைக்கிளும் நேருக்குநேர் மோதியதில், சைக்கிளில் பயணித்தவர் படுகாயமடைந்து கராப்பிட்டிய வைத்தியசாலையில் அனுமதிக்கப்பட்டு சிகிச்சை பலனின்றி மரணமடைந்தார்.
இதற்கான மேலதிக விசாரணைகளை ஹிக்கடுவை பொலிஸார் தொடர்ந்து மேற்கொண்டு வருகின்றனர்.
