வவுனியாவில் வீட்டு கட்டிலுக்கு கீழ் இருந்த முதலை
வவுனியா பூந்தோட்டத்தில் வீடொன்றில், கட்டிலின் கீழிருந்து எட்டு அடி நீளமுள்ள முதலை ஒன்றை மீட்ட சம்பவம் பரபரப்பை ஏற்படுத்தியுள்ளது. இந்த சம்பவம் நேற்று (02) இரவு இடம்பெற்றுள்ளது. வீட்டிலிருந்தவர்கள் முதலை இருப்பதை கண்டு கூச்சலிட்டதையடுத்து, அயல் வீட்டார் உடனடியாக பொலிஸாருக்கு தகவல் வழங்கினர்.
பொலிஸார் உடனடியாக சம்பவ இடத்திற்கு சென்று, வனஜீவராசிகள் பாதுகாப்பு திணைக்கள அதிகாரிகளின் உதவியுடன் முதலையைப் பிடித்தனர். இதனையடுத்து, முதலையை பாதுகாப்பான இடத்திற்கு கொண்டு சென்று விடுவித்தனர்.
