யாழ்ப்பாணத்தில் தம்மன்னா உடன் புகைப்படத்திற்கு 30 ஆயிரம்!
SLIIT மற்றும் Northern Uni (நொதேன் யூனி) நடாத்தும் ஹரிகரனின் மாபெரும் இசை நிகழ்ச்சி எதிர்வரும் 9ம் திகதி யாழ்ப்பாணம் முற்றவெளியில் இடம்பெற உள்ளது.
பாடகர் ஹரிகரன் தலைமையில் இடம்பெறுகின்ற இந்த நிகழ்ச்சியில் இந்திய திரை பிரபலங்களான நடிகை தமன்னா, நகைச்சுவை நடிகர் யோகி பாபு என பலர் கலந்து சிறப்பிக்க உள்ளனர்.
இந்நிலையில் தென்னிந்திய திரைப்பட விசர் முற்றி திரிபவர்கள் தமன்னா, யோகிபாபு, ஹரிகரன் உள்ளிட்ட கலைஞர்களை சந்திப்பதற்காக ஒரு நிகழ்வு ஏற்பாடு செய்யப்பட்டுள்ளது.
ஒரு மணித்தியாலம் நடைபெறவுள்ள இந்நிகழ்வுக்கு நுழைவு கட்டணமாக 30 ஆயிரம் ரூபா அறவிடப்படுகிறது.
இந்நிகழ்வில் கலந்து கொள்பவர்கள் தம்மனா உடன் ஒரு போட்டோ சொட் செய்வதற்கான வாய்ப்பும் வழங்கப்படவுள்ளது.
இவ்வாறு நுழைவுச்சீட்டுகள் மூலம் கிடைக்கும் நிதிகள் அனைத்தும் யாழ் கல்வி மேம்பாட்டு நிதியத்திற்கு வழங்கப்படவுள்ளது என்பதும் குறிப்பிடத்தக்கது.
வடக்கு கிழக்கில் இருந்து கொழும்பு SLIIT சென்று படிக்கும் மாணவர்களுக்கு அதே தகமையுடைய பட்டப்படிப்பினை குறைந்த செலவில் யாழ்ப்பாணத்தில் கற்க கூடியவாறு உருவாக்கியமை மிகவும் வரவேற்கதகக் விடயமாகும்.
