வவுனியா பல்கலைக்கழகத்திற்கு விஜயம் செய்யும் கோட்டா!
வவுனியா, பம்பைமடு பகுதியில் அமைந்துள்ள வவுனியா பல்கலைக்கழகத்தின் அங்குரார்ப்பண நிகழ்விற்கு ஜனாதிபதி கோட்டாபய ராஜபக்ச விஜயம் செய்யவுள்ளார்.
1991ம் ஆண்டு வடமாகாண இணைந்த பல்கலைக்கழக கல்லூரியாக உருவாக்கப்பட்டு, 1997ம் ஆண்டு யாழ். பல்கலைக்கழக வவுனியா வளாகமாக தரம் உயர்த்தப்பட்டது.
கடந்த ஆகஸ்ட் 1ம் திகதி இலங்கையின் 17வது பல்கலைக்கழகமாக இது தரம் உயர்த்தப்பட்டது.
இதன் உத்தியோகபூர்வ செயற்பாடுகள் ஆரம்பிக்கப்பட்ட நிலையில், அதனை அங்குரார்ப்பணம் செய்து வைப்பதற்கென ஜனாதிபதி விஜயம் செய்யவுள்ளார்.
இதன்போது மட்டுப்படுத்தப்பட்ட அளவினருக்கு மாத்திரமே கலந்து கொள்ள அனுமதி வழங்கப்பட்டுள்ளது என்பதும் குறிப்பிடத்தக்கது.
