இலங்கையை நோக்கி படையெடுக்கும் வெளிநாட்டவர்கள்
2022 இன் இதுவரையான காலப்பகுதியில் 6 இலட்சத்திற்கும் அதிகமான சுற்றுலாப் பயணிகள் இலங்கைக்கு வந்துள்ளதாக சுற்றுலா அமைச்சு தெரிவித்துள்ளது.
இம்மாதத்தின் முதல் 7 நாட்களில் மாத்திரம் 16 ஆயிரத்து 168 வெளிநாட்டு சுற்றுலாப் பயணிகள் இலங்கைக்கு வருகை தந்துள்ளதாக அமைச்சு மேலும் குறிப்பிட்டுள்ளது.
இதுவரையிலும் 20 நாடுகளைச் சேர்ந்த சுற்றுலாப் பயணிகள் இலங்கைக்கு வருகை தந்துள்ளனர்.
அவர்களில் அதிகமானோர் ஒரு இலட்சத்து 8 ஆயிரத்து 510 பேர் இந்தியாவில் இருந்து வருகை தந்துள்ளதாகவும் தெரிவிக்கப்பட்டுள்ளது.
அத்துடன், இந்த ஆண்டின் இதுவரையான காலப்பகுதியில், பிரித்தானிய நாட்டைச் சேர்ந்த 78 ஆயிரத்து 827 பேரும், ரஷ்ய நாட்டைச் சேர்ந்த 74 ஆயிரத்து 713 பேரும் இலங்கைக்கு வருகை தந்துள்ளனர்.
