வளி மாசு மீண்டும் சில பிரதேசங்களில் அதிகரிப்பு

நாட்டின் சில பிரதேசங்களில் காற்று மாசடையும் நிலை இன்று(19) மீண்டும் அதிகரித்துள்ளதாக தேசிய கட்டட ஆய்வு நிறுவகம் தெரிவித்துள்ளது.

அதனடிப்படையில், மட்டக்களப்பு மாவட்டத்திலேயே அதிகளவில் காற்று மாசடைந்துள்ளதாக கூறப்பட்டுள்ளது.

மட்டக்களப்பில் 112 புள்ளியாக காற்று மாசடைவிற்கான தரச்சுட்டி பதிவாகியுள்ளது.

ஹம்பாந்தோட்டை மாவட்டத்தில் 66 புள்ளியாகவும் மன்னார் பிரதேசத்தில் 52 புள்ளியாகவும் காற்று மாசு தரச்சுட்டி பதிவாகியுள்ளது.

அமெரிக்க வளி தரச்சுட்டிக்கு அமைய கடந்த சில தினங்களுக்கு முன்னர் சில மாவட்டங்களில் 100 புள்ளிகளை விட அதிகரித்த காற்று மாசு காணப்பட்டது.