யாழ். நோக்கி சென்ற பஸ் கிளிநொச்சியில் விபத்து – ஒருவர் பலி
இலங்கை போக்குவரத்து சபைக்கு சொந்தமான பஸ்ஸொன்று கிளிநொச்சி பளையில் விபத்துக்குள்ளானதில் 40 வயதான பெண்ணொருவர் உயிரிழந்துள்ளார்.
முள்ளியடி பகுதியில் நேற்று மாலை இவ்விபத்து இடம்பெற்றுள்ளது.
விபத்தில் காயமடைந்த இருபதிற்கும் அதிகமானோர் வைத்தியசாலையில் அனுமதிக்கப்பட்டுள்ளதாகவும் இதில் ஐவரின் நிலைமை கவலைக்கிடமாகவுள்ளதாகவும் வைத்தியசாலை வட்டார தகவல்கள் தெரிவிக்கின்றன.
விபத்தில் காயமடைந்த 10 பேர் மேலதிக சிகிச்சைகளுக்காக கிளிநொச்சி வைத்தியசாலைக்கு மாற்றப்பட்டுள்ளனர்.
விபத்து தொடர்பான விசாரணைகளை பளை பொலிஸார் ஆரம்பித்துள்ளனர்.
