சாந்தனை இலங்கை கொண்டுவர ஒரு சில தினத்திற்குள் முடிவு – டக்ளஸ் உறுதி
முன்னாள் பிரதமர் ராஜீவ்காந்தி கொலை வழக்கில் கைது செய்யப்பட்டு, விடுதலையாகிய நிலையிலும் சிறப்பு முகாமில் தடுத்து வைக்கப்பட்டுள்ள சாந்தனை நாட்டிற்கு அழைத்து வருவது தொடர்பாக சம்மந்தப்பட்ட தரப்பினருடன் கலந்துரையாடி ஒரு சில தினங்களுக்குள் பதிலை பெற்று தருவதாக அமைச்சர் டக்ளஸ் தேவானந்தா உறுதியளித்துள்ளார்.
குறித்த வழக்கின் தீர்ப்பில் இருந்து விடுதலை செய்யப்பட்ட சாந்தன் சுகயீனம் காரணமாக வைத்தியசாலையில் அனுமதிக்ப்பட்டுள்ள நிலையில், அவரின் தாய் மற்றும் சகோதர்கள் அமைச்சர் டக்ளஸ் தேவானந்தாவை நேற்று செவ்வாய்கிழமை சந்தித்து, சாந்தனை நாட்டிற்கு அழைத்து வருவதற்கான ஏற்பாடுகளை செய்து தருமாறு கேட்டு கொண்டனர்.
இதன்போதே, அமைச்சர் டக்ளஸ் தேவானந்தா குறித்த உறுதி மொழியினை வழங்கினார்.
