STF உடனான மோதலில் முன்னாள் இராணுவ வீரர் பலி
மஹாபாகே பகுதியில் இறைச்சிக்கடை உரிமையாளரின் கொலை மற்றும் பல குற்றங்களுக்காக தேடப்பட்டு வந்த முன்னாள் இராணுவ வீரர் சூரியவெவ பிரதேசத்தில் பொலிஸ் விசேட அதிரடிப்படையினருடன் இடம்பெற்ற மோதலில் உயிரிழந்துள்ளார்.
கடந்த 21ம் திகதி காலை மோட்டார் சைக்கிளில் வந்த இனந்தெரியாத இரு துப்பாக்கிதாரிகள் நடத்திய துப்பாக்கி சூட்டில், ஜா-எல வடக்கு படகம பகுதியை சேர்ந்த 42 வயதான இறைச்சிக்கடை உரிமையாளரான டொன் சுஜித் என்ற உக்குவா உயிரிழந்தார்.
இந்த கொலைக்கு கொலைக்கு மோட்டார் சைக்கிள் ஓட்டுநராக செயற்பட்ட முன்னாள் இராணுவ வீரரே பொலிஸ் விசேட அதிரடிப்படையினருடன் இடம்பெற்ற மோதலில் உயிரிழந்துள்ளார்.
கொலை செய்யப்பட்ட உக்குவா வெளிநாட்டில் தலைமறைவாக உள்ள ‘வெல்லே சாரங்கா’ என்ற குற்றவாளியின் சகோதரியின் கணவர் என்பது பின்னர் தெரியவந்தமை குறிப்பிடத்தக்கது.
