பொலிஸ் துப்பாக்கி சூட்டில் இளைஞன் படுகாயம்
பொலிஸாரால் திஸ்ஸமஹாராம பகுதியில் மேற்கொள்ளப்பட்ட சுற்றிவளைப்பின் போது துப்பாக்கி சூட்டுக்கு இலக்காகி 28 வயதுடைய இளைஞர் ஒருவர் காயமடைந்துள்ளார்.
திஸ்ஸமஹாராம பகுதியில் உள்ள சூதாட்ட நிலையம் ஒன்றை பற்றி பொலிஸாருக்கு கிடைத்த தகவலை அடுத்து, சோதனையிடுவதற்காக பொலிஸ் குழு ஒன்று சென்றது.
இதன்போது பொலிஸாரை கண்டதும் சூதாட்ட நிலையத்தில் இருந்தவர்கள் தப்பி செல்ல முற்பட்டனர்.
தப்பி செல்ல முற்பட்டவர்களை கைது செய்ய முற்பட்ட போது பொலிஸ் சார்ஜன்ட் ஒருவருக்கும் துப்பாக்கி சூட்டுக்கு இலக்கான நபருக்கும் இடையில் முறுகல் ஏற்பட்டதாக பொலிசார் தெரிவிக்கின்றனர்.
சம்பவம் தொடர்பில் விசேட விசாரணைகளை திஸ்ஸமஹாராம பொலிஸார் ஆரம்பித்துள்ளனர்.
