கஞ்சாவுடன் சிக்கிய போலீஸ் சார்ஜென்ட்
அனுராதபுரம் பொலிஸ் பிரிவுக்குட்பட்ட விசேட குற்றத்தடுப்புப் பிரிவில் கடமையாற்றும் சார்ஜன்ட் ஒருவர் கேரள கஞ்சாவுடன் மன்னார் கடற்படைத் தளத்தின் புலனாய்வுப் பிரிவினரால் கைது செய்யப்பட்டுள்ளார்.
இராணுவப் புலனாய்வுப் பிரிவின் அதிகாரிகளுக்குக் கிடைத்த தகவலின் அடிப்படையில் மேற்கொள்ளப்பட்ட தேடுதலின் போது அனுராதபுரம் கடப்பனஹ பகுதியில் வைத்து இந்த பொலிஸ் சார்ஜன்ட் கைது செய்யப்பட்டதாக பொலிஸார் தெரிவிக்கின்றனர்.
இந்த பொலிஸ் சார்ஜன்ட் மேலதிக விசாரணைகளுக்காக கடற்படை புலனாய்வு பிரிவினரால் அனுராதபுரம் தலைமையக பொலிஸாரிடம் ஒப்படைக்கப்பட்டுள்ளார்.
அநுராதபுரம் தலைமையக பிரதான பொலிஸ் பரிசோதகரின் பணிப்புரையின் பேரில் இந்த சம்பவம் தொடர்பான மேலதிக விசாரணைகளை மேற்கொள்வதற்காக வடமத்திய சிரேஷ்ட பொலிஸ் அதிகாரிகளால் பொலிஸ் சார்ஜன்ட் 24 மணித்தியாலங்கள் தடுத்து வைக்கப்பட்டுள்ளார்.
