யாழ்ப்பாணத்தில் பாணுக்குள் கண்ணாடி துண்டுகள்
யாழ்ப்பாணத்தில் பாண் ஒன்றுக்குள் கண்ணாடி துண்டுகள் காணப்பட்டமையை அடுத்து, பொது சுகாதார பரிசோதகரிடம் முறையிடப்பட்டுள்ள நிலையில், சுகாதார பரிசோதகர் விசாரணைகளை முன்னெடுத்துள்ளனர்.
நேற்று செவ்வாய்க்கிழமை (21) மருதனார்மடம் பகுதியில் உள்ள கடையில் ஒருவர் பாண் வாங்கியுள்ளார். அதை சாப்பிட முற்பட்டபோது, பாணுக்கு உள்ளே இருந்து உடைந்த கண்ணாடி போத்தல் துண்டுகள் காணப்பட்டுள்ளது.
இது தொடர்பில் அந்த பகுதிக்குரிய சுகாதார பரிசோதகருக்கு அறிவிக்கப்பட்டதை அடுத்து, அவர் விசாரணைகளை முன்னெடுத்த நிலையில் கடைக்கு பாண் விநியோகம் செய்தமை சுன்னாகம் பகுதியில் உள்ள பிரபல வெதுப்பகமென தெரியவந்துள்ளது.
இந்த வெதுப்பகத்துக்கு எதிராக பொது சுகாதார பரிசோதகரால் சட்ட நடவடிக்கை எடுக்கப்படவுள்ளமை குறிப்பிடத்தக்கது.
