கால் இல்லாத சடலம் தண்டவாளத்தில் இருந்து மீட்பு

பாதம் இல்லாத சடலம் ஒன்று தண்டவாளத்தில் இருந்து வெயாங்கொடை- வதுரவ புகையிரத நிலையங்களுக்கு இடையே இன்று செவ்வாய்க்கிழமை (28) மீட்கப்பட்டுள்ளது.

வெயாங்கொட மொட்டுன்ன பிரதேசத்தை சேர்ந்த 40 வயதுடைய 3 பிள்ளைகளின் தந்தையான ரொஷான் மஹாநாம என்பவரே சடலமாக மீட்கப்பட்டுள்ளார்.

தண்டவாளத்தில் நடந்துச் சென்ற நபர் ஒருவர் பலத்த காயங்களுடன் ஆண் ஒருவரின்  சடலம் தண்டவாளங்களுக்கு இடையில் கிடப்பதைக் பார்த்து, வெயாங்கொடை புகையிரத நிலையத்திற்கு தகவல் வழங்கினார். அதையடுத்து சடலத்தை பொலிஸார் மீட்டனர்.

இறந்தவரின் கால்களில் ஒன்று சடலம் இருந்த இடத்தில் இருந்து 10 மீட்டர் தொலைவில் விழுந்து கிடந்துள்ளது. மேலும் இறந்தவருடையது என சந்தேகிக்கப்படும் ஒரு ஜோடி காலணிகள் மற்றும் கோடாரி ஆகியவையும் அருகில் கிடந்தன.

கொழும்பு நோக்கிச் சென்ற புகையிரதத்துடன் மோதுண்டே இவ்விபத்து இடம்பெற்றுள்ளதாக சந்தேகிக்கப்படுகிறது.