கொழும்பில் பெண்களுக்கு வேலை வாய்ப்பு எனக்கூறி பாலியல் தொழிலில் ஈடுபடுத்திய தம்பதிகள் கைது
கடந்த நான்கு வருடங்களுக்கு மேலாக சமூக வலைத்தளங்களின் ஊடாக வேலை வாய்ப்பு விளம்பரங்களை செய்து பெண்களை கொழும்பில் உள்ள தமது வீட்டிற்கு அழைத்து வந்து பலவிதமான பாலியல் செயல்களில் ஈடுபடுத்திய தம்பதியினர் கைது செய்யப்பட்டுள்ளனர்.
சமூக வலைத்தளங்களில் வந்த விளம்பரம் ஒன்றை பார்வையிட்ட பின் வேலை வாய்ப்பிற்கினர் வந்த பெண் ஒருவரை இந்த தம்பதியினர் அடைத்து வைத்து பாலியல் நடவடிக்கையில் ஈடுபடுத்தி வீடியோ எடுத்து பணத்திற்கு விற்றதாக கூறப்படுகிறது.
கொழும்பு நுகேகொடை சிறுவர் மற்றும் பெண்கள் குற்ற தடுப்பு பிரிவினரால் சந்தேகநபர்கள் கைது செய்யப்பட்டுள்ளனர்.
சில தினங்களுக்கு முன்னர், நுகேகொடையில் உள்ள இந்த வீட்டிற்கு வந்த பதுளை மற்றும் வெலேகெதர பிரதேசங்களை சேர்ந்த இரண்டு பெண்கள் அளித்த முறைப்பாட்டின் அடிப்படையில் மேற்கொள்ளப்பட்ட சுற்றிவளைப்பில் குறித்த தம்பதியினர் கைது செய்யப்பட்டுள்ளனர்.
