வடமராட்சி பொலிஸ் சுற்றிவளைப்பில் ஆறு பேர் கைது
யாழ்ப்பாணம், வடமராட்சி – குடத்தனைப் பகுதியில் பொலிஸார் மற்றும் இராணுவத்தினர் இணைந்து நேற்று நடாத்திய சிறப்புச் சுற்றிவளைப்பில் ஆறு பேர் கைது செய்யப்பட்டுள்ளனர்.
கைது செய்யப்பட்டவர்கள் பல்வேறு குற்றச்செயல்களுடன் தொடர்புபட்டவர்கள் என தெரியவந்துள்ளது.
வாள்வெட்டு, கசிப்புக் காய்ச்சுதல் உள்ளிட்ட சமூக விரோதச் செயல்களுடன் தொடர்புபட்டவர்களே கைது செய்யப்பட்டுள்ள நிலையில் இவர்களுக்கு எதிரான சட்ட நடவடிக்கைகள் பொலிஸாரால் முன்னெடுக்கப்பட்டு வருகிறது.
