ஆட்டோவில் சடலம் மீட்பு: இருவர் கைது

கொழும்பு 07, வார்ட் பிளேஸ் பகுதியில் முச்சக்கரவண்டிக்குள் சடலமொன்று மீட்கப்பட்ட சம்பவம் தொடர்பில் இருவரை பொலிசார்  கைதுசெய்துள்ளனர்.

நேற்று (26) கொழும்பு சமகி மாவத்தை பகுதியில் மேற்கொண்ட தேடுதல் நடவடிக்கையில் 35, 48 வயதுடைய கோணவில மற்றும் கிராண்ட்பாஸ் பிரதேசங்களை சேர்ந்தவர்கள் கைது செய்யப்பட்டனர்.

இதில் கைது செய்யப்பட்ட ஒருவரிடம் இருந்து 30.2 கிராம் ஐஸ் போதைபொருள் மீட்கப்பட்டதாக பொலிசார் தெரிவித்தனர்.

கடந்த 23 ஆம் திகதி அதிகாலை, கறுவாத்தோட்டம் பொலிஸ் பிரிவிற்குட்பட்ட பகுதியில் முச்சக்கரவண்டி ஒன்றுக்குள் கொலை செய்யப்பட்ட நிலையில் சடலமொன்று இருப்பதாக பொலிஸ் அவசர தொலைபேசிக்கு கிடைத்த தகவலை அடுத்து காவல்துறையினரால் குறித்த சடலம் மீட்கப்பட்டது.

உயிரிழந்தவர் 33 வயதுடையவர் என பொலிசார் தெரிவித்தனர்.