யாழ் மோட்டார் சைக்கிள் விபத்தில் முன்னாள் போராளி பலி

யாழ்ப்பாணம் செம்பியன்பற்று வடக்கு பகுதியில் கடந்த வெள்ளிக்கிழமை (04) இரண்டு மோட்டார் சைக்கிள்கள் நேருக்கு நேர் மோதியதில் படுகாயமடைந்த நபர் சிகிச்சை பலனின்றி இன்று ஞாயிற்றுக்கிழமை உயிரிழந்துள்ளார்.

வடமராட்சி கிழக்கு மாமுனை பகுதியை சேர்ந்த நடேசு பரமேஸ்வரன் என்பவரே இவ்வாறு உயிரிழந்துள்ளார். புலிகள் அமைப்பின் கடற்படையில் உறுப்பினராக இருந்தவர் எனவும் தெரியவந்துள்ளது.

மோட்டார் சைக்கிள் விபத்துக்கு படுகாயமடைந்த நிலையில் யாழ் போதனா வைத்தியசாலையில் அனுமதிக்கப்பட்டு சிகிச்சை பெற்ற நிலையில் சிகிச்சை பலனின்றி இன்றைய தினம் உயிரிழந்துள்ளார்.

இது குறித்த விசாரணைகளை மருதங்கேணி பொலிஸார் முன்னெடுத்துள்ளனர்.