வாள் வெட்டு தாக்குதலில் வவுனியாவில் ஒருவர் பலி
வவுனியாவில் காணி பிரச்சனை வாள் வெட்டில் முடிந்ததில் ஒருவர் உயிரிழந்துள்ளதுடன் , மற்றும் ஒருவர் படுகாயமடைந்த நிலையில் வைத்தியசாலையில் சேர்க்கப்பட்டுள்ளார்.
ஓமந்தை கதிரவேலு பூவரசன்குளம் பகுதியில் நேற்று வியாழக்கிழமை இச்சம்பவம் இடம்பெற்றுள்ளது.
சம்பவம் தொடர்பில் தெரியவருவதாவது,
காணி தொடர்பாக நீண்ட காலமாக இரு குடும்பங்களுக்கு இடையில் பிணக்கு நிலவி வந்த நிலையில் நேற்று வியாழக்கிழமை காணிக்குள் மாமனும் மருமகனும் வேலை செய்து கொண்டிருந்த வேளை, அத்துமீறி நுழைந்த கும்பல் ஒன்று மிளகாய் தூளை விசிறி வாள் வெட்டு தாக்குதலை நடாத்தி விட்டு தப்பி சென்றுள்ளனர்.
சம்பவத்தில் ஒருவர் உயிரிழந்துள்ளார். மற்றையவரை ஊரவர்கள் மீட்டு வைத்தியசாலையில் அனுமதித்துள்ளனர்.
சம்பவம் தொடர்பில் பொலிஸார் தீவிர விசாரணைகளை முன்னெடுத்து வருகின்றனர்.
