சுற்றுலா சென்ற நடிகை திரிஷா புகைப்படம் ட்ரென்ட்
தமிழ் திரையுலகில் 21 ஆண்டுகளாக தனக்கென ஒரு நிழல் பதித்து, ஏராளமான ரசிகர்களை கொண்டுள்ளவர் நடிகை திரிஷா. நீண்ட காலமாக தமிழ் சினிமாவில் முன்னணி நடிகையாக நிலைத்து வரும் அவர், தற்போது அஜித் நடிக்கும் விடாமுயற்சி மற்றும் குட் பேட் அக்லி ஆகிய படங்களில் முக்கிய வேடங்களில் நடித்து வருகிறார். கூடவே, கமல் நடிப்பில் உருவாகும் தக் லைஃப் படத்திலும் இணைந்து நடிக்கிறார்.
திரிஷா, சினிமா வாழ்க்கையை தாண்டி தனது தோழிகளுடன் மகிழ்ச்சியாக நேரத்தை கழிப்பதற்கு மிகவும் ஆர்வம் காட்டுவார். விடுமுறைகளில் சின்ன சின்ன சுற்றுலா பயணங்களுக்கும், நண்பர்களுடன் கேளிக்கைகளுக்கும் திரிஷா செல்வது வழக்கம்.
இந்நிலையில், திரிஷா-விஜய் நடித்த தி கோட் படத்தின் தயாரிப்பாளர் அர்ச்சனா கல்பாத்தி மற்றும் தனது நெருங்கிய தோழிகளுடன் வெளிநாடுகளுக்கு ஒரு ஜாலி சுற்றுலாவிற்குப் பயணம் சென்றுள்ளார். அங்கு எடுத்துக் கொண்ட புகைப்படங்களை தனது சமூக வலைத்தளத்தில் பகிர்ந்து, ரசிகர்களுடன் மகிழ்ச்சியை பகிர்ந்துள்ளார்.
