மட்டக்களப்பில் மின்னல் தாக்கி விவசாயி உயிரிழப்பு!
மட்டக்களப்பு – ஏறாவூர் பொலிஸ் பிரிவிலுள்ள வந்தாறுமூலை உப்போடை வயல் பிரதேசத்தில், மின்னல் தாக்குதலுக்கு உள்ளாகி 40 வயதான ஒரு விவசாயி உயிரிழந்துள்ளார்.
சம்பவம் நேற்றையதினம் மாலை 5 மணிக்கு நடந்ததாக பொலிஸார் தெரிவித்துள்ளனர். விவசாயி மாலை உப்போடை வயலில் விவசாய நடவடிக்கையில் ஈடுபட்டு, பின்னர் அங்கிருந்து வெளியேறி வீடு நோக்கி மோட்டார் சைக்கிளில் பயணித்தபோது, மின்னல் தாக்குதலுக்கு உள்ளாகி உயிரிழந்தார்.
உயிரிழந்தவரின் சடலத்தை, நீதிமன்ற அனுமதியுடன் பிரேத பரிசோதனைக்காக மருத்துவமனையில் ஒப்படைக்கப்பட்டுள்ளதாக பொலிஸார் அறிவித்துள்ளனர்.
