நீதிமன்றத்துக்கு அழைத்துச் செல்லப்பட்ட இரு கைதிகள் கைவிலங்குகளுடன் தப்பியோட்டம்!
பொலன்னறுவை சிறைச்சாலையில் தடுத்து வைக்கப்பட்டுள்ள இரண்டு கைதிகள், 9 ஆம் திகதி சனிக்கிழமை ஹிங்குரக்கொட நீதவான் நீதிமன்றத்துக்குக் கொண்டு செல்லப்படும்போது, நீதிமன்ற நுழைவாயிலுக்கு அருகில் கைவிலங்குகளை பயன்படுத்தி தப்பிச் சென்றுள்ளனர்.
இந்த இரு கைதிகளும் போதைப்பொருள் கடத்தல் தொடர்பாக கைது செய்யப்பட்டு, விளக்கமறியலில் வைக்கப்பட்டிருந்த நிலையில், விசாரணைக்காக நீதிமன்றத்திற்கு அழைத்துச் செல்லப்பட்ட போது இந்த சம்பவம் நடைபெற்றுள்ளது.
மேலதிக விசாரணைகளை ஹிங்குரக்கொட பொலிஸார் மேற்கொண்டு வருகின்றனர்.
