கல்கிஸை துப்பாக்கி பிரயோகத்தில் CCTVயில் பதிவான காட்சி
கல்கிஸை, படோவிட்ட பகுதியில் நேற்று (13/11/2024) இரவு 9.25 மணியளவில் மோட்டார் சைக்கிளில் வந்த இருவர் துப்பாக்கிச்சூடு நடத்தியதில் 30 வயதுடைய கயாஷான் சத்துரங்க பெர்னாண்டோ உயிரிழந்தார். துப்பாக்கிச்சூட்டில் மார்பு மற்றும் கால் பகுதிகளில் காயமடைந்த அவர், களுபோவில வைத்தியசாலையில் அனுமதிக்கபட்ட நிலையில் சிகிச்சை பலனின்றி உயிரிழந்தார். துப்பாக்கி T-56 ரக ஆயுதம் பயன்படுத்தப்பட்டுள்ளதாக பொலிஸார் சந்தேகிக்கின்றனர்.
இதேவேளை, இந்த துப்பாக்கிச் சூட்டுக்குப் பிறகு, துப்பாக்கிதாரிகள் இறந்தவரின் உறவினர் ஒருவரின் வீட்டிற்கும் சென்றனர், அவர்களால் அந்த வீட்டின் நுழைவாயிலை திறக்க முடியாததால், அங்கு துப்பாக்கி பிரயோகம் மேற்கொண்டுவிட்டு தப்பிச் சென்றுள்ளனர்.
இந்த சம்பவம் அங்கிருந்த CCTV கமராவில் பதிவாகியுள்ளது.
துப்பாக்கிதாரிகள் வந்த மோட்டார் சைக்கிள் கடந்த வருடம் மார்ச் மாதம் 31 ஆம் திகதி கடவத்த பிரதேசத்தில் நபர் ஒருவரிடமிருந்து திருடப்பட்டதாக விசாரணையில் இருந்து தெரியவந்துள்ளதாக பொலிஸார் தெரிவித்தனர்.
உயிரிழந்த நபர் போதைப்பொருள் கடத்தலில் ஈடுபட்டவர் என தெரியவந்துள்ளதுடன், மேலதிக விசாரணைகளை தெஹிவளை பொலிஸார் மேற்கொண்டு வருகின்றனர்.
