முன்னாள் இராஜாங்க அமைச்சர் பிள்ளையான் சி.ஐ.டியில் முன்னிலை!
முன்னாள் இராஜாங்க அமைச்சர் சிவநேசத்துரை சந்திரகாந்தன், குற்றப்புலனாய்வு திணைக்களத்தில் (CID) இன்று முன்னிலையாகியுள்ளார்.
இது, சனல் 4 தொலைக்காட்சியில் வெளியிடப்பட்ட விசேட ஆவணப்படம் மற்றும் அசாத் மௌலானா வழங்கிய வாக்குமூலத்தால் உருவாகிய புதிய சிக்கல்களின் பின்னணியில் நடந்துள்ளது.
அசாத் மௌலானா, ஏப்ரல் 21 தாக்குதலுடன் தொடர்புடைய தாக்குதல்தாரிகளுக்கும் சிவநேசத்துரை சந்திரகாந்தனுக்கும் தொடர்புகள் இருந்ததாக குற்றச்சாட்டுகளை முன்வைத்தார். தாக்குதலுக்கான பின்னணி தொடர்பில் மேலதிக விசாரணைகள் மேற்கொள்வதற்காக சந்திரகாந்தனை CID அழைத்துள்ளது.
தற்போது அவர் CID-யில் வாக்குமூலம் அளிக்க ஆரம்பித்துள்ளதாக தெரிவிக்கப்படுகிறது. இந்த விவகாரம் தொடர்பான மேலும் தகவல்களுக்கு விசாரணைகளின் முடிவுகளை எதிர்பார்க்க வேண்டும்.
