‘பிச்சைக்காரன் 2’ படப்பிடிப்பு ஆரம்பம் ஆகியது!
கடந்த 2016-ம் ஆண்டு விஜய் ஆண்டனி நடிப்பில் இயக்குனர் சசியின் இயக்கத்தில் வெளியாகியது ‘பிச்சைக்காரன்’ திரைப்பட்டம்.
இந்த திரைப்படம் பெரும் வெற்றி வாகை சூடியதோடு, நடிகர் விஜய் ஆண்டனியின் திரையுலக பயணத்தில் பெரும் திருப்பு முனையை உண்டாக்கியது.
இதனை அடுத்து பிச்சைக்காரன் இரண்டு உருவாக உள்ளதாக அறிவிப்புக்கள் வெளியாகி இருந்தன.
முதலாவது பாகத்தை இயக்கிய சசி வேறு திரைப்படவேலைகளில் பிஸியாக உள்ளதால் 2ம் பாகத்தினை இயக்குநர் பிரியா கிருஷ்ணசாமி இயக்க உள்ளதாக கடந்த ஆண்டு அறிவித்தனர்.
சில காரணத்தால் பிரியா கிருஷ்ணசாமி இப்படத்தில் இருந்து விலகிவிட்டார்.
இதனை அடுத்து இந்த திரைப்படத்தை நானே இயக்கவுள்ளதாக விஜய்ஆண்டனி அதிரடி அறிவிப்பை விடுத்தார். இந்த திரைப்படத்தின் ஊடாக இயக்குனராக அறிமுகமாகிறார்.
இத்திரைப்படத்தின் இயக்கம், இசை, படத்தொகுப்பு, தயாரிப்பு போன்ற பணிகளையும் விஜய் ஆண்டனி மேற்கொள்கிறார்.
‘பிச்சைக்காரன் 2’ திரைப்படத்தின் படப்பிடிப்புக்கள் இன்றையதினம் பூஜையுடன் ஆரம்பமாகி உள்ளது. 2022இல் திரைக்கு வந்து ரசிகர்களை மகிழ்விக்க உள்ளதாகவும் அறிவிப்பு வெளியாகியுள்ளது.
