இராணுவ மேஜர் உட்பட மூவர் விபத்தில் பலி

இன்று காலை குருநாகலில் இடம்பெற்ற விபத்தில் இராணுவ மேஜர் உட்பட மூவர் பலியாகியுள்ளனர்.

குறித்த மூவரும் பயணித்த கார், மதிலில் மோதியதில் இவ்விபத்து இடம்பெற்றுள்ளது.

சம்பவத்தின்போது வாகனத்தில் ஐந்து பேர் பயணித்துள்ளனர் என்று பொலிஸார் தெரிவித்துள்ளனர்.

இதன்போது 35 வயதுடைய இராணுவ மேஜரும், 30, 36 வயதுடைய இரு இளைஞர்களும் பலியாகி உள்ளனர்.

விபத்தில் காயமடைந்த இருவரும் கல்கமுவ மற்றும் பொலன்னறுவை வைத்தியசாலைகளில் சேர்க்கப்பட்டுள்ளனர் என பொலிஸார் தெரிவித்துள்ளனர்.