கசிப்பு விற்பனையாளர், உற்பத்தியாளர் என ஐவர் யாழ்ப்பாணத்தில் கைது!!

திருநெல்வேலி சந்தை மற்றும் அதனை அண்டிய பகுதிகளில் மறைமுகமாக கசிப்பு விற்பனையில் ஈடுபட்ட நபர் ஒருவரை பொலிஸார் கைது செய்தனர்.

கைது செய்யப்பட்ட நபரிடம் முன்னெடுக்கப்பட்ட விசாரணைகளில் , தனக்கு கசிப்பினை உற்பத்தி விநியோகிப்பவர்கள் கோப்பாய் பகுதியை சேர்ந்தவர்கள் எனவும் , அவர்களிடம் வாங்கியே தான் வியாபாரத்தில் ஈடுபடுவதாகவும் தெரிவித்துள்ளார்.

குறித்த நபரின் தகவலுக்கு அமைய கோப்பாய் மத்தி பகுதியில் உள்ள வீட்டினை பொலிஸார் சுற்றி வளைத்த போது, வீட்டில் இருந்து 19 லீட்டர் கசிப்பு மீட்கப்பட்டது.

அத்துடன், வீட்டில் இருந்த பெண் உட்பட நால்வரை கைது செய்தனர்

கைது செய்யப்பட்ட ஐவரையும் பொலிஸ் நிலையத்தில் தடுத்து வைத்து விசாரணைகள் முன்னெடுக்கப்பட்டு வருகின்றது.